Zuban ki hifazat –

Zuban ki hifazat – Assalam alaikum nazreen ! insan apni zuban ki hifazat kese kare ? agar aap ye janna chahte hai to deenitalim.com ke is site par apka kher maqdum hai is post me hum padhenge ki hame kis tarah ki baat-chit logo se karni chahiye iska sahi tarika kya hai aaiye is post me padhe aur apne ilme-deen me mazeed ijafa kare.

Shuru allah ajowazl ke name ke sath..!

Zuban ki hifazat ka bayan –

Hame hamesha ye aehtiyat karna chahiye ke agar hum kisi se koi baat-chit kar rahe hai to hamari jaban se koi

aesi baat na nikal jaye jisse hame gunah pade is baat ka

aehtiyat hamseha hi apne jehan me jenashin kar le

hadees sharif ka mafhoom hai ke bahut se logo ko

unke jabano se nikli hui batein jahannum me le jayegi

isliye khas taur par guftagoo ke dauran is baat ka khayal rakhe. Sone ke adaab islam –

“Juban ki hifazat se insan jannat me bhi ja sakta hai “

Zuban ki hifazat -

Bagair soche samjhe koi bhi chhoti badi baat karne ya kehne se parhez kare apne man me hi andaza laga le ki

mai jo baat karne ja raha/rahi hun vo kisi ko buri to nahi

lagegi jab yaqeen aa jaye ke ye baat kisi tarah buri nahi

tab bole otherwise bolne se accha chup rehna behtar hai.

Kaun si baat karne se parhez karna chahiye ?

Aaiye jane ki hum apni juban ki hifazat kis tarah kare apni juban ko galat baat karne ya kehne se kese roke aur

kis tarah ki baat karne se hamara islam mana

karta hai aaiye jane..aur apni juban ki hifazat kese kare…

Kisi bhi shakhs ko bura-bhala kehna maslan beiman kehna ya phir tujh par allah ka gazab nazil ho , khuda ki

mar pade , tujh par khuda ki laanat ho vagirah vagirah bolna

bahut hi gunah ki baat hai agar jisko aesi batein

kahi hai waqai me aesa na hua to ye buri laanat aur fitkaar vagirah laut kar aesa kehne wale par padegi so kisi ko

baddua karne se pehle kam se kam ek dafa jarur soch le.

Agar apko kisi ne dukh dene wali baat keh di to sabr kar

le aur maaf karke dar gujar kar de aesa karne se bahut

bada azr vo sawab milta hai agar jawab dena chahe to bas itna hi kahe jitna usne kaha agar agle se jayada

kahenge to gunahgar ho jayenge.

Zuban ki hifazat ka bayan in islam –

Hame kis tarah ki batein karni chaiye aur kis tarah ki baton se parhez karna chahiye aaiye jane…

  • Kabhi kisi ki burai hargiz na kare aur na hi kisi ki chugli sune , idhar ki baat udhar karna bhi dono jahan me ruswai ka samaan hai.
  • Jab bhi bole sach bole aur jhoot se hamesha hi apni jaban ko pak rakhe kyunki jhoot bolna ek bahut hi bada kabeera gunah hai.
  • Khusamad ke taur par istemal hone wale jumle bolne se bhi parhez kare sidhi aur saf baat kare.
  • Isi tarah na kisi ki geebat suno aur na hi kisi ki geebat karo , geebat karna gunah kabeera hai lihaza har mard aurat ko iski nahusat se bachna chahiye.
  • Kabhi kisi se jhutha vada bhi hargiz na kare aur na hi apni hi baat ko fauqiyat dene ke liye kisi se bahasbazi karna chahiye.
  • Kisi ka majak is had tak na banaye ke samne wala sharminda ho jaye.
  • Dusre logo ki baat ka ya buri surat ka nakal hargiz na kare.
  • Apni juban ko itna pak rakhe ki isse nikli har dua qubool vo maqbool ho jaye.
  • Jo banda musalsal apni juban se jhoot bolta hai to fir uski dua qubool nahi hoti.
    • Hamesha acchi aur sacchi baat kahe aur buri baton se khud bhi bache aur dusre logo ko bhi bachaye.

Apni juban ka istemal kese kare ?

Allah pak ne hum insano me har chiz qeemti banayi hai aur har azu aham hai inhi qeemti azu me se ek juban bhi

hai jiski ahmiyat bahut hi jayada hai yahi vo shai hai jiske jariye insan ko izzat mitli hai aur zillat bhi isi juban ki

istemal se insan duniya jahan me maqbool bhi hota hai aur ruswa bhi hota hai.

Juban hi vo ek matr shai hai jo hame jannati bhi banati hai aur jahannumi bhi banati hai.

Hamare dil me kya chal raha hai kaun banda ya bandi kesa hai iski pehchan sirf aur sirf juban se hi hoti hai

kyunki jo hamare dil me hota hai juban use jahir karti

hai jo banda apne juban ko control me kar leta hai to vo

banda azeem ban jata hai upar diye gaye baton par amal kare aur apni zuban ki hifazat kare.

Apne juban se fehash batein hargiz na kare kyunki ye juban

ka zena hai agar hum apni juban ki hifazat nahi

karenge to yahi juban hame jahunnum ki or le jayegi apne juban ko pak rakhe isi juban se allah ka zikr vo azkar

kare apni juban se gandi baat hargiz na nikale.

Hume kis tarah ki guftagoo karni chahiye ?

Allah ajowazl ka huqm hai ke jab tum kisi se guftagoo (گفتگو) karo acchi گفتگو karo agar kisi ko kuch mal vo

sadqa nahi de sakte to kisi ke daman me chand mithhe

bol hi dal do jab bhi kahe soch samajh kar hi kahe aur

sunne wala sun kar soche tab bole , hamare aaqa sallallahu tala alaihi wali wasallam apne dushmano se bhi

bahut hi shaista guftagoo (گفتگو) kiya karte the ,

apni juban se utni hi baat kare jitna jaruri ho duniya me jitna

kam bolenge utna hi fayde me rahenge kyunki hum jo bol rahe hai ya bolte hai vo likha ja raha hai har ek

baat farishte likhte hai aur ye jo naame-aamal likha ja raha hai vo sab alllah ajowazl ke samne padhkar sunaya

jayega , sahi aur sach baat bol kar khud ko gunahgar

hone se bacha le hargiz kisi ki burai na kare aur na hi

behas kare gali-galauz de kar apni juban ko na-pak hone se roke aur khamoshi ikhtiyar kar le jo banda apni

juban se galat ya gandi baat karta hai to allah pak use dushman se bhi bura janta hai.

Khamosh rehne ke fayede –

Jayadatar hame gunah hamari juban ke wajah se hi milti hai kyunki baaz dafa hum kisi dusre shakhs ki dil aazari

kar dete hai use hurt kar dete hai jisse allah pak humse

naraz ho jata hai apne walidain ka dil hum talkh kalami

kar jate hai jiske aewaz hame gunah padta hai so in sabhi chizon se bachne ke liye ya yun keh le khud ko gunah

se bachane ke liye sabse behtarin shai hai khamosh rehna ,

khamoshi bhi ek ibadat hai jo insan chup rehna sikh

gaya uske dil ko allah ajowazl apni mohabbat ke liye khol

deta hai jisko allah ki mohabbatein milti hai unki

jabane utni hi kam khulti hai sirf jarurat ke hisab se hi bole huzur

salato wassalam hamesha apni baat mukhtasar andaz me hi kiya karte the.

Juban se jhoot bolne ki nahusat –

Jhoot bolna ek gunah kabeera hai lihaza hum sabhi ko iski nahusat se bachna chahiye jhoot bahut hi buri bala hai

jhoot bolna haram hai jhoot bolne se aesi munh se badboo

nikalti hai ke farishte ek meel dur ho jate hai apni

juban ko jhutha mat banao is zuban ki bahut hi ahmiyat hai isi zuban se hum allah vo uske rasool ka zikr vo

azkar karte hai to kyunkar hum is zuban ko ganda kar rahe

hai jhoot aur geebat se , allah hum sabko jhoot

bolne ki nahusat se bachaye jhoot bolne se hum hamesha zalil vo

khawar hote hai aur logo ka bharosa kho dete hai.

Conclusion :-

Aaj humne bahut hi ahamtarin topic zuban ki hifazat in islam ke bare me malumaat hasil ki is post me humne jana ki jhoot bolne se kya hota hai aur apni zuban ki hifazat kin-kin chizon se hame karni chahiye hum apni

juban ki hifazat karke kya-kya chizein hasil kar sakte vagirah vagirah ke bare me humne deenitalim.com ke is site par malumaat hasil isi tarah ki mazeed ibratnaak posts padhne ke liye hamare site par visit kare allah pak mujhe aur apko amal karne ki taufeeq de..ameen..Allah Nigehban..!