Namaz ka asan tarika –

Namaz ka asan tarika – Aaj hum is article me sabse ahamtarin topic ke bare me ilm hasil karenge jiska janna har mard-aurat ke liye jaruri hai namaz ki fazilat aur iski kya aehmiyat hai aaiye jane sath hi namaz ke liye kya-kya sharait (شرائط) hai ? , iske kya faraiz (فرائض) kya hai ? , namaz ki sunnat kya hai ? aur bhi bahut kuch is post me padh sakte hai..maslan…

  • Sharait namaz !
  • Namaz ke faraiz !
  • Namaz ki fazilat aur iski aehmiyat !
  • Wazibat namaz !
  • Mufsidat namaz !
  • Namaz ki sunnatein !
  • Namaz ke mustahbat !
  • Makroohat namaz !
  • Namaz padhne ka asan tarika !
  • Namaz se mutalliq auraton ke jaruri masayel !

Namaz ki fazilat aur iski aehmiyat kya hai ?

Har musalman mard aurat ko ye jaan lena chahiye ke iman aur aqeddon ko sahi kar lene ke bad sab farzon

me sabse pehla farz namaz hai kyunki quran azeem aur hadeeson me bahut jayada bar-bar iski taqeed aayi hai yad

rakhe ke jo namaz ko farz na mane ya namaz ki tauhin (توہین) kare ya namaz ko ek halki aur be-qadr chiz

samajh kar uski taraf se betawajjee barte voh kafir aur islam se khariz hai aur jo shakhs namaz na padhe voh

bada gunahgar , kahar-kahaar aur gazabe jabbar me giraftar aur ajab jahunnum ka haqdaar hai

Aur voh is layek hai ke badshah islam pehle usko saja de fir bhi voh namaz na padhe to usko qaid kar de

yahan tak ki tauba kare aur namaj padhne lage balki imam aur shafai vo ahmad rahmatullah alaihim ke najdeek badshah islam ko uske qatl ka huqm hai.

Bachha jab 7 baras ka ho jaye to usko namaz sikha kar namaj padhne ka huqm de aur jab bachhe ki umar (Age) 10 baras ki ho jaye to mar-mar kar usse namaz padhwaye.

“Namaz momin ki meraj aur deen ka sutun hai”

Aakhir namaz kyu jaruri hai ? Namaz ka asan tarika –

Haj zindagi me ek martaba sahbe nesab par farz hai , zakat saal me ek bar sahbe nesab ko ada karna hoti hai ,

ramajn sharif 11 month bad aata hai magar namaz voh ibadat hai jo ke ek hi din me 5 martaba ada karni

hoti hai yahi voh ibadat hai jo har musalman aaqil-balig chahe voh amir ho ya gareeb , peer ho ya jawan ,

muflis ho ya asir , arbi ho ya azmi , kala ho ya gora , jawan ho ya budha , bimar ho ya tandrust , shah ho ya

gaddar , mareez ho ya haqeem , musafir ho ya maqeem , goya sab par farz hai ,

Yahi voh ibadat hai jiske mutalliq huzur nabi kareem tazdare madina rahmat aalim nure mujassam sallallahu tala alaihi wasallam ka irshad pak hai –

إن أول ما يحاسب به العبد يؤم القيمتي صلاته

(Qayamat ke roj sabse pehle bande ka hisab namaj se shuru hoga..)

Namaj hi voh ibadat hai jiska hisab roj mehshar sabse pehle hoga ..

Namaj hi voh ibadat hai jo gunaho se bachne ke liye dhhal (ڈھال ) hai

Yahi voh ibadat hai jiske karne wale ko ruhani aur jismani pakeezgi hasil hoti hai

Namaz hi payam nifasat vo taharat aur neejat o magfirat hai

Namaj hi tajdare madina sallallahu tala alaihi wasallam ki aankhon ki thandak hai.

Magar kitne afsos ka maqam hai ke aaj aksar musalmano ne is maqsad fareeza ko chhod diya hai aur jo is

fareeza ko ada karte hai unme bhi aksariyat aese logon ki hai jo namaz to padhte hai lekin namaz ke faraiz aur

wazibat , sunan vo mustahabat se la-ilmee ke sabab aesi galtiyan karte hai ke namaji hone ke bawjud unka

name be-namajiyon me likha jata hai , sajdah reja hone ke bawjud lajjat sajud se mahrum hai.

Namaz ka tarika fazilat -

Namaj ke liye kya sharait hai ? Namaz ka asan tarika –

Aaiye jane sabse pehle in 6 chizon ko bata dena jaruri hai jinke bagair namaj shuru nahi ho sakti in 6 chizon ko sharait namaj (شرائط نماز) kehte hai aur ye hai…

  1. Paki
  2. Sharamgah ko chhupana
  3. Namaj ka waqt hona
  4. Qibla ki taraf munh karna
  5. Niyat karna
  6. Taqbeer tehrima

(1) shart paki ka kya matlab hai ?

Paki ka ye matlab hai ke namaji ka badan , uske kapde , namaj ki jagah sab pak ho aur koi nijasat jaise peshab

, pakhana , khun , leed , gobar , murgi ki beet vagirah na lagi ho aur namaji be-gusl aur be-wazu bhi na ho.

(2) Sharamgah chhupane ka kya matlab hai ?

Sharamgah (شرمگاہ) chhupane ka matlab ye hai ke mard ka badan naaf se lekar guthno ke niche tak

sharamgah hai isliyle namaz ki halat me kam se kam naaf se lekar

guthno ke niche tak chhupa rehna jaruri hai

aur aurat ka pura badan sharamgah hai isliye namaz ki halat me aurat ke tamam badan ka dhaka (ڈھکا) rehna

jaruri hai sirf chehra aur hatheli aur takhno ke niche qadam ke khule rehne ki ijazat hai takhna bhi acchi tarah chhupa rehna chahiye.

(3) Waqt ka kya matlab hai ?

Tisri shart – waqt ka ye matlab hai ke jis namaz ke liye jo waqt mukarrar (مقرّر) hai voh namaz usi waqt me padhi jaye.

(4) Qibla ki taraf munh karne ka kya matlab hai ?

Chuthi shart – qibla ki taraf munh karna iska matlab jahir hai ke namaj me khana qaba ki taraf apna chehra kare Muharram ashura ki fazilat.

(5) Niyat ka kya matlab hai ?

Niyat ka matlab ye hai ke jis waqt ki jo namaz farz ya wazib ya sunnat ya nafil ya qaza padhta ho dil me iska

pakka irada karna ke mai fala namaz padh raha ho aur agar dil ke irade ke sath zaban se bhi kah le to behtar hai.

(6) Taqbeer tehrima ka kya matlab hai ?

Taqbeer tehrima yani الله أكبر kehna jo namaz ki aakhiri shart hai ke uske kehte hi namaj shuru ho gayi ab agar namaj ke siwa dusra koi kaam kiya ya kuch bola to namaz tut gayi.

Pehli , panchvi sharton ka taqbeer tehrima se pehle aur namaz khatam hone tak mauzud rehna jaruri hai agar

ek shart bhi na payi gayi to namaz nahi hogi.

Namaz ke liye kitni chizein farz hai ?

Namaz me 14 chizein farz hai jinme se chand aese hai jinka namaz se pehle hona jaruri hai aur inko namaz ke

kharji faraiz kehte hai aur sharait namaz bhi kaha jata hai aur chand faraiz hai jo dakhil namaz hai maslan –

  • Badan ka pak
  • Kapdon ka pak hona
  • Sattr aurat yani mardon ko naaf se guthno tak aur auraton
  • ko chehre aur hatheliyon aur qadmo ke alawa tamam badan ka dhankna (ڈھانکنا) farz hai
  • Namaz ki jagah ka pak hona
  • Namaz ka waqt hona
  • Qibla ki taraf rukh hona
  • Namaz ki niyat karna
  • Taqbeer tehrima
  • Qayam yani khada hona
  • Qirrat yani ek badi ayat ya 3 chhoti aytein ya 1 chhoti surat padhna
  • Ruku (رکوع) karna
  • Sajdah karna
  • Qayedah akhir
  • Apne irade se namaz khatam karna

Agar inme se koi chiz bhi jaan kar ya bhul kar rah jaye to sajdah sahu karne se bhi namaz na hogi , balki dobara namaz padhna jaruri hai.

Wazibat namaz kya-kya hai ? Namaz ka asan tarika –

Wazibat me se agar koi wazib bhul kar chhut jaye to sajdah sahu karna wazib hoga agar qasdan kisi wazib ko

chhod diya ro dobara namaz padhna wazib hai sajdah sahu Sajdah sahu ka bayan se bhi kaam nahi chalega.

Aaiye jane ki wazibat namaz kitni hai…

  • Sureh fateha padhna
  • Aur iske sath koi surat milana
  • Farz ki pehli 2 rakaton me qirrat karna
  • Sureh fateha surat se pehle padhna
  • Ruku karke sidha khada hona
  • Dono sajdo ke darmiyan baithna
  • Pehla qayedah karna
  • Attahiyat (ا تحیات) padhna
  • Lafz assalam se namaz khatam karna
  • Zuhar aur asr me qirrat ahista-ahista padhna
  • Imam ke liye magrib aur isha ki pehli 2 rakaton aur fazr
  • vo jumma vo eidain aur taraweeh ki sab rakato me buland awaz ke sath qirrat karna
  • Vitr me duaye qunoot padhna
  • Eidain me 6 zayed taqbeerein kehna

Kin chizon ke karne se namaz fasid (tut) jati hai ?

  • Baat karna bhale hi thodi ho ya bahut qasdan ya bhul kar isse namaz tut jati hai
  • Jaban se salam karna ya salam ka jawab dena
  • Chhinkne wale ke jawab me يا رحمك الله kehna
  • Ranj ki khabar sun kar إنا لله و إنا أليه راجعون pura ya thoda sa
  • padhna ya achhi khabar sunkar الحمدلله kehna ya ajeeb chiz sunkar سبحانلله kehna
  • Dukh takleef ki wajah se aah , aur ya uff karna
  • Apne imam ke siwa kisi dusre ko luqma dena quran sharif ko dekh kar padhna
  • Sureh fateha ya surat me aesi galti karna jisse namaz fasid ho jati hai
  • Amle kaseer maslan aesa kaam karna jise dekhne wala
  • guman kare ke ye shakhs namaz nahi padh raha hai ya maslan dono hatho se kaam karna
  • Qasdan ya bhul kar kuch khana -peena
  • Seena qibla se fir jana
  • Dard ya musibat ki wajah se is tarah rona ke awaz me huruf nikal jaye
  • Namaz me hansna
  • Imam se aage badh jana

Namazi ke aage se guzarna namaz ko fasid nahi karta , bhale hi gujarne wala mard ho ya aurat lekin namazi

ke aage se gujarne wala sakht gunahgar hota hai hadees sharif me aaya hai ke namazi ke aage se gujarne

wala agar janta hai ke is par kya gunah hai ? to jameen me dhans jane ko gujarne se behtar janta

Ek dusri hadees sharif me hai ke namazi ke aage se gujarne wala agar janta hai ke isme kitna bada gunah hai

to 40 saal tak khade rehne ko gujarne se behtar janta rawi ka bayan hai ke mai nahi janta ke huzur sallallahu

tala alaihi wasallam ne 40 din kaha ya 40 mahine ya 40 baras.

Namaz ki sunnatein kya hai ?

Wese to namaz ke liye kai sari sunnatein hai maslan…

  • Taqbeer tehrima ke liye hath uthana
  • Hatho ki ungliyan apne haal par chhodna
  • Bawaqt taqbeer sar na jhukana
  • Taqbeer ke bad fauran hath bandh lena
  • Pehle سبحانك اللهم fir taooz aur tasmia padhna
  • Sureh fateha ke khatam par aameen ahista se kehna
  • Ruku me guthno par hath rakhna aur ungliya na felana
  • Ruku me kam se kam 3 martaba سبحان ربي العظيم kehna
  • Isi tarah ruku me jane ke liye allahu akbar kehna
  • Ruku se uthte waqt شمع الله لمن حميده kehna
  • Ruku me sirf is tarah jhukna ke hath guthno tak pahunch jaye
  • Sajdey ke liye aur sajdey se uthne ke liye allah u akbar kehna
  • Sajdey me hath jameen par rakhna
  • Kam se kam 3 martaba سبحان ربي الأعلى kehna
  • Sajdey me jane ke liye pehle dono guthne ek sath rakhna , fir hath , fir nose , fir peshani aur sajdey se
  • uthte waqt iske bar aks kare yani pehle peshani uthaye , fir nose , fir hath , fir guthne simat kar sajdah karna
  • Dono sajdon ke darmiyan masal tash-had ke baitna dusrin rakat ke liye panjo ke bal guthno par hath rakh kar uthna

Namaz ka asan tarika –

  • Dusri rakat ke sajdo se farig ho
  • kar bayan paaw bichha kar dahina khada karke baithna aur aurat ke liye dono paaw dahini janib nikal kar batein sureen par baithna
  • Dahina hath dahini raan par rakhna aur baya batein par
  • Ungliyon ko apne haal par chhodna aur unke kinare guthno ke pas hona
  • Shahadat par ishara karna
  • Tash-had ke bad qayedah akheer me durood sharif padhna
  • Durood sharif ke bad arbi me dua karna aur behtar voh duaaye hai jo buzurgon se manqul hai
  • أسلام عليكم و رحمته لله do bar kehna , pehle dahini taraf fir baye taraf
  • Zuhar , magrib aur isha ke bad mukhtasar dua karke sunnaton
  • ke liye khada ho jana warna sunnaton ka sawab kam ho jayega.

kya hai namaz ke mustahabat ? Namaz ka asan tarika –

Mustahbat (مستحبات) namaz ke kaun-kaun se hai aaiye jane …

  • Qayam ki halat me sajdey ki jagah najar rakhna
  • Ruku me paaw ki peeth ki taraf , sajdey me nose ki taraf aur qayedah me god (گود) ki taraf nazar rakhna
  • Pehle salam me dahine shane ki taraf , dusre me batein ke taraf najar rakhna
  • Jamahi aaye to munh band kiye rehna , agar na ruke tp hont dant ke niche dabaye aur isse bhi na ruke to qayam me dahine hath ki pusht se munh dhank le aur qayam me na ho to baye hath ki pusht se aur bila jarurat hath ya kapde se munh dhankna makrooh hai
  • Tehrima ke waqt hath kapde se bahir nikalna aurat ke liye
  • taqbeer tehrima ke waqt hath kapde ke andar rakhna
  • jahan tak ban pade khansi ko rokna
  • Qayam ki halat me dono panjo ke darmiyan 4 ungal ka fasla hona.

Namaz me kaun-kaun si chiz makrooh hai ? Namaz ka asan tarika –

  • Kokh (کوکھ) par hath rakhna
  • Aasteen se bahir hath nikale rakhna
  • Kapde sametna
  • Jism ke kapde se khelna
  • Ungliyan chatkhana
  • Left-right garden (گردن) modna
  • Mard ko sajdey me hath jameen par bichhana
  • Mard ko juda (جوڑا) gundh (گوندھ) kar namaz padhna
  • Angdai (انگڑائی) lena
  • Kutte (کتے) ki tarah baithna
  • Sajdey me mardon ke liye pet (پیٹ) rano se milana
  • Bagair uzr (عذر) ke char zano (چار زانو) (التی پالتی مار کر) baithna
  • Imam ka mehrab ke andar khada hona
  • Kankariya hatana magar jabki jaruri ho to ek bar jayez hai
  • Samne ya sar par tasweer hona
  • Tasweer wale kapde me namaz padhna
  • Kandho par chadar ya koi kapda latkana
  • Paishab , pakhana ya jayada bhuk ka takaza hote hue namaz padhna
  • Sar khol kar namaz me khada hona
  • Aankhein band karke namaz padhna
  • Ungliyan chatkhana ya kainchi bandhna
  • Kamr par hath rakhna
  • Dhat ya chain wali ghadi pahan kar namaz padhna
  • Fasiq malan (مالن) ke pichhe namaz padhna maslan jo bila
  • uzr jamat ya namaz tark karta ho uske pichhe makrooh hai.

Kya jamat ke sath namaz padhna jaruri hai ?

Jamat (جماعت) ki bahut taqeed aati hai aur iska sawab bahut jayada hai yahan tak ki be-jamat (جماعت) ki namaz se jamat wali namaz ka sawab 27 guna (ستائیس گنا) hai..

Mardon (مردوں) ko jamat (جماعت) ke sath namaz padhna wazib hai

bila uzr (عذر) ek bar bhi jamat chhodne wala

gunahgar aur saja ke layek hai aur jamat chhodne ki aadat

dalne wala fasiq hai jiski gawahi qubool nahi ki

jayegi aur badshah islam isko sakht saja dega aur agar padosiyon ne sakoot kiya to voh bhi gunahgar honge.

Jumma aur eidain me jamat shart hai yani bagair jamat ye namaze

na hongi taraweeh me jamat sunnat kafaya

hai yani muhalle ke kuch logon ne jamat se padhi to sabke jimma se jamat chhodne ki burai jati rahi aur agar

sabne jamat chhod dito sabne bura kiya ramjan sharif me

vitr ko jamat ke sath padhna mustahab hai

sunnaton aur nafilon me jamat makrooh hai

Kya aurat jamat ke sath namaz padh sakti hai ?

Auraton ko kisi namaz me jamat (جماعت) ki hazri jayez nahi din ki namaz ho ya raat ki , jumma ki ho ya eidain ki

, aurat chahe jawan ho ya budhiya yunhi auraton ko aese majmo

me jayez bhi na-jayez hai jahan auraton

mardon ka ijtama (اجتماع) ho.

Namaz padhne ka asan tarika kya hai ?

Namaz padhne ka tarika ye hai ke ba-wazu qibla ki taraf munh karke is tarah khada ho ke dono panjo me char

angul ka fasla rahe aur namaz ki niyat kare aur dono hath

kano tak le jaye ke anguthe kano ki lou se chhu

jaye baki ungliyan apne haal par rahe na bilkul mili na bahut

feli aur hatheliya qible ki taraf ho aur nigah

sajdey ki jagah par ho aur jis waqt ki namaz padhni ho , dil uska

pakka irada karke allahu akbar kahta hua

hath niche lakar naaf ke niche bandh le is tarah ke daye (داے) hatheli ki gaddi baye (باے) kalai ke sire par ho aur

bich ki tino ungliyan baye (باے) kalai ki peeth (پیٹھ) par aur angutha chhoti ungli kalai ke agal-bagal ho aur sana padhe –

ثنا – سبحانك اللهم و بحمدك و تبارك سمك و تعالى جدك ولا إله غيرك (sana)

fir تعوذ – aauzo billah hi mina shaitanir rajeem.

Namaz padhne ka asan tarika in hindi –

fir تسمیہ – Bismillah hirrah manir rahim.

Uske bad – sureh fateha puri padhe aur khatam par aahista se آمین kahe uske bad koi surat ya 3 ayatein padhe

ya aesi ek ayat (آیت) padhe jo 3 chhoti ayaton ke barabar ho –

Fir آلله اكبر kahta hua ruku (رکوع) me jaye aur guthno ko hath

se pakde is tarah ke hatheliya guthne par ho aur

ungliyan khub feli ho aur peeth (پیٹھ) bichhi ho aur sar peeth ke barabar

ho uncha-nicha na ho aur najar pair ki

taraf ho aur kam-se-kam 3 martaba سبحان ربي العظيم kahe.

Fir سمع الله لمن حمده kehta hua sidha khada ho jaye aur jo akela padh raha ho to iske bad اللهم ربنا و لك الحمد kahe.

Uske bad allahu akbar kahta hua sajdey me jaye is tarah ke pehle

guthne jameen par rakhe fir hath fir dono

hatho ke bich sar rakhe is taur par ke pehle nose matha aur nose ki haddi jameen par jam jaye aur najar nose

ki taraf rahe aur bajuon (بازوؤں) kroton (کروٹوں) se aur pet (پیٹ) ko

rano se aur rano ko pindliyon (پنڈلیوں) se juda

rakhe aur dono paaw (پاؤں) ki sab ungliyon ko qibla ki taraf rakhe is tarah ke ungliyon ka sara pet jameen par

jama rahe har paaw ki kam-ja-kam 3 ungliyon ka pet (پیٹ) jameen

par lagna wazib hai hatheliyan bichhi ho aur

ungliyan qible ki taraf ho aur kam se kam 3 martaba سبحان ربي الأعلى kahe fir sar uthaye

Namaz ka asan tarika –

Is tarah ke pehle matha fir nose fir munh fir hath aur dahina qadum khada karke uski ungliyan qibla rukh kare

aur baya qadum bichha kar is par khub sidha baith jaye aur hatheliyan bichha kar rano par guthno ke pas

rakhe ke dono hath ki ungliyan qibla ko ho aur ungliyon ka sar

guthno ke pas ho fir jara thhehar kar allahu

akbar kehta hua dusra sajda kare ye sajdah bhi pehle ki tarah kare fir sar uthaye , aur hath guthno par rakh

kar panjo ke bal khada ho jaye uthte waqt bila uzr hath jameen

par na teke ye ek rakat puri ho gayi ab fir sirf

بسم لله ارحمن رحيم padh kar sureh fateha aur surat padhe aur pehli ki tarah ruku aur sajdey kare , fir jab dusre

sajdey se sar uthaye to dahina qadum khada karke baya qadum bichha kar baithh jaye aur تشہد padhe –

Namaz ka tarika – Namaz ka asan tarika –

Fir attahiyat (ا تحیات) padhe –

Jab kalma la (لا) ke kareeb pahunche to dahine hath ki bich ki ungli aur anguthe ka halqa banaye aur chhoti

ungli aur uske pas wali ko hatheli se mila de aur lafz la (لا) par kalma ki ungli uthaye magar idhar-udhar na

hilaye aur illa (إلا) par gira de aur sab ungliyan fauran sidhi

kar le ab agar do se jayada rakatein padhni hai to

uth khada ho aur isi tarah padhe magar farz ki un rakaton me sureh fateha ke sath surah milana jaruri nahi

ab pichhla qayedah jiske bad namaz khatam karega , usme تشہد ke bad durood sharif padhe –

Durood ibrahim (درود إبراهيم) padhe –

Uske bad duaaye mashura padhe –

fir dahine shane ki taraf munh karke أسلام عليكم و رحمته لله kahe aur isi tarah baye taraf – ab namaz khatam ho gayi uske bad imam left-right ya muqtadi ki taraf munh karke dua kare.

Auraton ke liye namaz ka tarika kya hai ?

Auraton ko chahiye ke taqbeer tehrima ke waqt mardon ki tarah kano tak hath na uthaye balki sirf mondhe

tak hi hath utha kar baye (left) hatheli seena par rakh ka

uski peeth par dahini (right) hatheli rakhe ruku me

jayada na jhuke yani sirf is qadr ke hath guthno tak pahunch jaye , isi tarah auratein ruku me peeth sidhi na

kare aur guthno par zor na de balki mahaz guthno par

hath rakhe aur hathon ki ungliyan mili hui rakhe aur

paaw (پاؤں) ko jhuka hua rakhe mardon ki tarah khub sidha na kare auraton ko bilkul hi simat (سمٹ) kar sajdah

karna chahiye yani baju ko kroton (کروٹوں) se mila de aur pet (پیٹ) ko raan se aur raan ko pindliyon (پنڈلیوں) se

aur pindaliyon ko jameen se mila de aur qayedah me

attahiyat (ا تحیات) padhte waqt auratein (عورتیں) baye (left)

qadum par na baithe balki dono paaw (پاؤں) dahini janib nikal de aur baye (left) sureen (سورین) par baith jaye , mardon ki tarah na baithe.

Auratein (عورتیں) bhi khadi hokar namaz padhe bahut si jahil (جاہل) auratein farz vo wazib sunnat sari namazein

baith kar padhti hai , ye bilkul galat tarika hai nafil ke siwa koi bhi namaz bila uzr ke baith kar padhni jayez

nahi ye jahil auratein farz vo wazib jitni namazein bagair uzr

baith kar padh chuki hai un sab namazon ki kaza (قضا) kare aur tauba kare.

Auraton par jumma aur eidain ki namaz wazib nahi panjowaqta (پنجوقتہ) namajo ke liye bhi auraton ka masjid me jana mana hai.

Conclusion :

Aaj humne namaz ke mutalliq kai ahamtarin batein padhi aur ilme-deen hasil ki maslan namaz ki kya aehmiyat hai hamare deen-islam me , iski kya fazilat bayan ki gayi hai hadees sharif me aur namaz padhne ka

asan tarika kya hai aur sath hi auraton ki namaz kitni alag hoti hai , kya auraton jamat ke sath namaz ada kar

sakti hai ? , isi tarah namaz ki kya makroohat hai , namaz ke faraiz , sunnat , wazibat aur bhi bahut kuch app is

article me padh sakte hai agar apko ye post achha laga to ise jitna ho sake apne azizon me share kare aur apna feedback dena hargiz na bhule comment section me Allah nigehban !