Geebat kise kehte hai ?

Geebat kise kehte hai ? Assalam alaikum nazreen ! islam me kai buri aadato me se ek adat jo aksar kai logo me mauzood hoti hai vo hai kisi ki geebat karna islam me geebat karna kesa hai , aur geebat kise kehte hai , geebat

Shuru allah ajowazl ke name ke sath..!

ka bayan iska anzam iski nahusat ke bare me mazeed tafsilaat se hum is post me padhne wale hai agar aap isi tarah ki mazeed post me padhna chahte hai aur apne ilme-deen me ijafa karna chahte hai to deenitalim.com ke site par visit kare…

READ THIS.. Aulad ke huqooq islam

Geebat (غیبت) kise kehte hai ?

Kisi bhi shakhs ko bina jane bura kehna ya peeth (पीठ) pichhe uska koi aib dusre logo ke samne bayan karna hi

geebat kehlata hai jo ki ek bahut hi buri adat hai hum sab musalman

ko is amal se parhez karna chahiye…geebat

ek gunah kabeera hai hadees sharif ka mafhoom hai ke

payare aaqa madni aaqa nabiyo ke sardar do alam ke

sarkar nabi kareem sallallahu tala alaihi wali wasallam ne sahaba karaam se farmaya ke kya tum log ko ye

malum hai ke geebat kya chiz hai ? to sabhi sahaba ne kaha

ke allah aur rasool jayada janne wale hai…huzur

sallallahu tala alaihi wali wasallam ne irshad farmaya ke tumhara apne bhai ki un baton ko bayan karna jisko vo

na-pasand samajhta hai yahi geebat hai..

Geebat kise kehte hai ?

Geebat kise kehte hai ?

Ye sunkar sahaba karaam ne arz kiya ya rasullallah agar mere bhai me waqai vo chiz mauzood ho to kya un

baton ka zikr karna bhi geebat kehlayega..? to aaqa sallallahu tala alaihi wali

wasallam ne farmaya ke , agar uske

andar vo batein waqai mauzood hogi tabhi to tum uski geebat karne wale kahlaoge aur agar usme vo batein na

ho aur tum apni taraf se char batein jod kar

kahoge tab to tum uspar bohtaan (بوہتان) lagane wale ho jaoge jo ek

dusra kabeera gunah hai jiska karne wala jahannum ka indhan banega.

Kisi ke peeth (पीठ) pichhe aesi baat karna ya kehna jise sunkar uska dil dukhe use geebat kehte hai.

Jaan lijiye ki geebat karna ek bahut bada gunah hai…madina ke tajdar huzur salato wassalam ne farmaya

ke…الغيبة أشد من زنا (yani ke geebat zena se bada gunah hai)

Aaqa kareem salato wassalam ka irshad hai ke , maine meraj ki rat me kuchh logo ko is hal me dekha ke vo

jahannum me apne hi nakhuno se apne chehro ko khurach khurach kar noch rahe hai maine hazrate jibreel

alaihis salam se puchha ke ye kaun log hai ?..to jibreel alaihis

salam ne jawab diya ke..ye vo log hai jo duniya

me logo ki geebat (غیبت) aur abru-rezi kiya karte the.

Geebat kise kehte hai ?

Yad rakho..! peeth (پیٹھ) pichhe kisi admi ki un bato ka bayan ya zikr karna jinko vo pasand nahi karta hai jise

sun uska dil dukhta ho asal me ise hi geebat kaha gaya

hai bhale hi uska koi zahiri aib ho ya batnee uska

paidaishee aib ho ya uska khud ka paida kiya hua aib ho uske kapde , uske badan , uske khandan o nasb , uske

aqwal vo afaal , chal-chalan , uski bol-chal vagirah kisi bhi aib ko bayan karna ya taana marna ye sab geebat me dakhil hai.

Lihaza geebat ke is gunah se har musalman mard-aurat ko lazmi taur par bachna chahiye.

Kin logo ki geebat karna jayez hai ?

Aaiye jane ki kin logo ki geebat hum kar sakte hai…hazrate allama abu zakariya moeenudeen bin sharf ki sharah

me likha hai ke kisi ki geebat karne ki 6 suratein hai jo ki jayez aur mubah hai vo kya hai aaiye jane…

  • Mazlum ka hakim ke samne kisi zalim ke zalimana aibo ko bayan karna jisse use panah mil sake.
  • Isi tarah kisi bande ki buraiyon ko rokne ke liye kisi sahab ke samne uski buraiyo ka zikr karna taki vo apne raub daab se us shakhs ko buraiyo se rok de.
  • Mufti ke samne fatwa talab karne ke liye kisi ke aib ko paish kar sakte hai.
  • Musalmano ko shar vo fasad aur nuksan se bachane ke liye kisi ke bure rawaiyo ko bayan kar dena maslan-jhuthhe gawaho , bad-mazhabiyo ki gumraho se , jhuthhe vado aur un logo ke fareb bayan kar dena taki log gumrahi ke nuksan se bach sake

Isi tarah nikah vagirah ke bare me mashwara karne wale se logo ke aib bata dena , kharidaro ko nuksan se

bachane ke liye saman ya sauda bachne wale ke aibo se

logo ko agaah kar dena taki vo nuksan se bach sake.

Isi tarah agar ko banda chor ya daku , khayanat karne wala , bure kaam karne wala ho to aese shakhs ke aibo ko

bhi logo ke samne zahir kar dena taki nuksan se

mehfuz rah sake aur aese logo ke jaal se bach sake.

Geebat (غیبت) Kise kehte hai ?

Kisi ki pehchan ke liye uske kisi mashur aib ko uske name ke sath zikr kar dena maslan agar koi langda ho to

use langda kehna ya phir koi behra ho to uski siknakht ke

liye use behra kehna is tarah kisi ke aibo ko unke

naamo ke sath zikr kar dete hai jiska maqsad hargiz uski burai

ya mazak udane ke liye kehna nahi balki uska maqsad sirf or sirf unki sinakht aur pehchan ka nishan batana hota hai.

Geebat ka bayan in islam –

Upar jitni bhi batein apne padhi ye sab geebat me shamil hai

kyunki kisi ke aibo ko bayan kar dena geebat ke

fehrist me ata hai lekin kisi bande ko nuksan se bachane ke liye ya kisi ke zulm se bachne ke liye agar hum kisi

ke aib ko bata denge to ye galat nahi hoga maslan agar

koi kisi ko lutne ki koshish kar raha hai use bewakuf

bana kar , aur samne wala uski is amal se be-khabar hai to app uski islah ke liye use mashwara kar sakte hai uski

sacchai uske samne bayan kar sakte hai taki vo kisi bhi tarah ke nuksan se mehfuz rah sake.

Conclusion :-

Geebat ki nahusat ke bare me aaj humne is post me padha is buri chiz se har musalman mard aurat ko bachna bahut jaruri hai ye aesi adat hai ke ek dafa apne lag gayi to phir app iski nahusat se nahi bach sakte so is amal se

bachne ke liye shuru se hi apne baccho me is adat ko padne se roke unke dil me chugli-geebat ke liye nafrat paida kare na khud kisi ki burai kare aur na hi kisi ki sune..is tarah ki mazeed post padhne ke liye deenitalim.com ke site par visit kare Allah Nigehban !