Eid miladun nabi 2022

Eid miladun nabi 2022 – Madina ke tajdar sarkar do-alam huzur ki padaish ka din jise hum sab eid milad un nabi ke name se jante hai urdu ki tarikh 12 rabi-ul-awwal ko peer ke din makka sharif me app sallallahu alaihi

wasallam is duniya me aaye jiski khushi me hum is mubarak din ko bade hi dhoom-dham se juloos nikal kar manate hai aaiye jane ki eid milad un nabi kyu manate hai ? ,

eid milad-un nabi ke din ka roja , eid milad un nabi kab hai 2022 me aur bhi bahut kuch is post me padhe…

Jashne eid miladun nabi date 2022 –

12 rabiul awwal kab hai ? aaiye jane – Is saal eid milad un nabi 9 th october day sunday (ایتوار) ke din inshallah manaya jayega milad-e-mustafa aaqa

ka mahina noor wala is din sabhi musalman milkar juloos nikalte hai

har ghar me jhanda lehraya jata hai charaga

kiya jata hai shirni pani khana ka aehtamam kiya jata hai jisse har gharon me barkat hoti hai alag hi noor har su fela rehta hai. Maa baap ke huqooq –

Eid milad un nabi kyu manate hai ?

Milad ka matlab hota hai viladat yani padaish ka din hota hai huzur ki padaish ka din jise hum sab eid ki tarah

manate hai aaqa qareem payare habib sallallahu tala alaihi wasallam hum sab ke liye sabse badi naimat hai agar

huzur sarware qaunain ki amad na hoti to na hi apna vazood hota

aur na hi duniya ka koi vazood hota aur na hi

koi naimat ka vazood hota allah ajowazl ne apne mehboob ko hum ummatiyon ke liye bheja tamam ashiqane

rasool 12 rabi-ul-awwal ko jashne milad-e-mustafa manate hai

huzur ki padaish par hum sab musalman unka

milad manate hai quran sharif me bhi allah pak ne apne mehboob ke milad ko farmaya hai.

Huzur sallallahu tala alaihi wasallam ke milad ki khushi manana

jayez tarike se maal kharch karna , izhar shukr

ke liye dua , ibadat , teelawat , naat vagirah ka aehtamam karna sunnat hai.

Eid milad un nabi in quran –

“نعمته الله محمد صلى الله عليه وسلم “ (yani allah ki naimat se murad mohammad sallallahu tala alaihi wasallam hai) !

Jab sabit ho gaya ke app sallallahu alaihi wasallam rahmat bhi hai

aur naimat bhi hai to is aewaj par ki allah ne

hame naimat aur rehmat dono hi ata farmai to kyu na is baat par

hum shukr ada kare aur khushi ka ijhar kare aur

is din ko yad manana bhi quran mazeed se sabit hua hai maslan –

“قل بفضل الله و برحمته فبذ ذلك فليفرحوا هوا خير ميما يجمعون “

Ae mere mehboob – logo se farma dijiye ki allah pak ke fazal aur uski rehmat ke milne par khushi manana

chahiye is ayat me rehmat aur naimat milne ke aewaz me khushi manane aur maal kharch karne ka huqm farmaya gaya hai.

Kya jhanda lagana jaruri hai ? Eid miladun nabi 2022

Har ashiqein rasool apne-apne gharon me huzur ke name ka jhanda lagate hai jise huzur se mohabbat ho vo unke

liye jhande lagate hai jhande lagane me koi bhi jabardasti nahi hai agar apne huzur se mohabbat hai to app

lagaye nahi hai to na lagaye aaqa qareem sallallahu tala alaihi wasallam

ke name par fatiha – neyaz ka aehtamam

karna har jagah batna vagirah ye sab kam hum sirf or sirf huzur ki mohabbat me karte hai unka milad manate hai.

Eid miladun nabi 2022

Milad-e-nabi manana kya biddat hai ?

Jo insan ye samajhta hai ke eid milad un nabi manana ya izhar khushi karna ye sab biddat hai vo sarasar andhere

me hai aur gumrahi me hai aur vo quran vo hadees ko jhutla raha hai

kyunki milad manana to quran vo hadees

me saf-saf bayan kiya gaya hai to fir kaha se ye biddat ho gayi eid milad un nabi ko biddat manna ya fir is gam karna sab na-jayez hai.

Eid milad un nabi kaun nahi manata hai ?

Jise huzur qareem sallallahu tala alaihi wasallam se mohabbat nahi jo saccha ashiqein rasool nahi wahi is din ko

nahi manata hai is din ki khushi har momin bande ne manai siwaye shaitan ke sabhi ne khushiyan manai..

Iblees kab-kab roya hai ?

Iblees jo ki ek shaitan hai vo apni zindagi me sirf 4 martaba hi roya aur vo kab-kab aaiye jane..

Pehli bar tab jab us par lanat (لعنت) ki gayi ,

dusri bar jab usko (رانداہ درگاہ) kiya gaya , isi tarah tisri martaba tab

jab app sallallahu tala alaihi wasallam ki viladat (ولادت) hui

aur chuthi bar tab jab surah fatiha nazil hui.

Is tarah jo apki padaish par narazgi jahir karta hai vo hum me se nahi hai.

Eid milad un nabi ke din kya karna chahiye ?

Ye din balki ye din kya pura mahina noor wala hota hai hum is aaqa ka milad karte hai unke name par shirni

neyaz taqseem karte hai apne gharon ko sajate hai

har gali mohalla is din ke liye sajaye jata hai aur fir juloos

nikala jata hai app sallallahu alaihi wasallam ke name ke nare lagaye jate hai har ghar me khana ya kuch meetha

vagirah ka aehtamam kiya jata hai aur is din hame allah ka

shukr ada karna chahiye ki unhone itne bade naimat

se hame nawaja hai aur apne dil me ye ahad karna chahiye ki hum hamesha nabi ki sunnaton par amal karenge

aur ishqe rasool me kabhi bhi koi gustakhi karne se hamesha parhez karenge.

12 rabi-ul-awwal ka roja kyu jaruri hai ?

Is din ka roja yani eid milad-un nabi ke din ka roja rakhna badi hi fazilat rakhta hai eid milad un nabi ke din ka

ek roja hajar rojon ke barabar ka sawab milta hai is din roja

rakhna aur ibadat me mashgul rahne se bada hi

sawab hasil hota hai kai hajar ibadaton aur rojon ka sawab hum apne hisse me is din ibadat karke hasil kar sakte hai huzur sallallahu alaihi wasallam ke liye ek din roja rakhna unki

mohabbat me ibadat karne ka sharaf khush-qismat logon ko hi milta hai.

Huzur ne peer ke rojein ka aehtamam farma kar khud apni viladat (ولادت) ki yad manai aur viladat (ولادت) ki khushi me ibadat karna sunnat hai.

Conclusion :-

Aaj humne bahut hi aham topic ke bare me malumat hasil ki eid milad un nabi ke din kya karna chahiye ye din hamare islam me itna aham kyu hai is din roja ibadat aur bhi bahut kuch deenitalim.com ke is site par humne

ilme-deen app sabhi readers tak faraham karai apko ye post kesa laga jarur bataye aur isi tarah ki ahamtarin topic ke bare me mazeed apne ilm-deen me ijafa kare app sabhi ko meri taraf se jashne eid milad un nabi mubarak ho ! is ko bade hi dhoom-dham se manaye haan lekin dj , gana aur baja se parhez kare. Allah nigehban !