Dua mangne ka tarika –

Dua mangne ka tarika – dua momin ka hathiyar hai aur jameeno aasman ka noor hai Khush kismat hai vah shakhs jise allah ne dua karne ki taufik di hai allah humse naraj ho jata hai jab ham usse dua nahi mangte dua

hi vah wahid chij hai jiske jarie takdeer bhi palat sakti hai to aaiae ham dua mangne ka Sahi tarika kya hai Iske bare me jaane dua to sabhi log mangte hai lekin sabhi ki qabool nahi hoti hai aakhir kyu aaiye jane aur sath hi

voh kaun si ghadi hai jisme dua ki qabiliyat ke jyada chances hote hai –

Farmane mustafa sallallahu tala alaihi wasallam ka farman ibrat nishan hai –

3 shakhs jinki duaayein kabhi bhi Khali (cancelled) nahi hoti hai –

  • majlum Ki dua
  • Musafir Ki dua
  • Baap Ki Bete Ke haq me dua
Dua mangne ka tarika -

Aaiye jaane ke dua aadaab kya hai ?

  • Dua ke waqt bhul jao ki ham gunahgar hain Kyunki ham jab apne gunah ko yad karte hai to dua mangne ki himmat nahi hoti aur jab uski rahamat yad karte hai to badi se badi hazate mangne ka ji karta hai
  • Dua ke waqt dil hazir rahe yani pure dil se dua mange
  • Jab dua mange to 3 martaba ya arhamar rahemeen jarur shamil kare
  • Koshish kare ki jab bhi dua kare tanhai/akele me kare
  • Majma aam me bhi dua kare kyunki allah ka khas karam hota hai
  • Allah tala farmata hai mera banda mere sath jaisa guman karta hai mai uske sath wesa faisla karta hu isliye pure yakeen se dua kare ki voh mujhe ata kar dega
  • Dua se pehle kuch nek amal jarur kar le maslan sadqa , namaz , durud sharif padhna vagierah
  • Hamesha apne sath sath dusro ke haq me bhi dua kare
  • Jaha baith kar dua karo voh jagah pak ho allah walo ke astano ki kareeb dua qubool hoti hai.

Un makamat (jagaho) ka bayan jinme dua qubool hoti hai ?

Aaiye jane kin-kin jagahon par dua ki qabuliyat ke chances jayada hoti hai –

Tamam mukaddas makamat – imam hasan basri rehmatullahe alaihi ne ahle makkah ke name ek khat (letter) likha hai , us khat me voh ( makka muazzma me ) dua ke qubool hone ke ye 15 imkanaat bayan karte hai –

  1. Tawaf gah me
  2. Khana qaba ka voh hissa jisse tawaf karne wale hote hai
  3. Khana-qaba ke chhat ke parnala ke niche
  4. Baitullah ke andar
  5. Safa aur marwa ( pahadiyon ) par
  6. Isi tarah safa aur marwa ke darmiyan dodne ki jagah me
  7. Makam ibrahim ke pichhe
  8. Maidan arfaat me ( jahan 9 zilhijjah ko jawal ke bad se gurub tak teharte hai aur yahi haz ka asli rakun hai
  9. Aur voh jagah jahan hazzaj arfaat se wapis aakar magrib v isha ki namaz padhte hai aur raat gujarte hai
  10. Isi tarah 10 vi tarikh ko haji jumron par kankariyan marte , qurbani karte hai
  11. 13 , 14 , 15 tino jumron ke pas ye 3 teele hai jin par imam jazri rehmatullahe alaihi farmate hai –

Agar nabi alaihis salaton wassalam ruke roja aqdas ke pas dua qubool na hogi to fir kis jagah hogi ( yani roja aqdas rasullallah sallallahu alaihi wasallam to dua qubool hone ka voh mokaddas makam hai ke isko to sabse pehle tarzeeh dena chahiye.

Dusre ke haq me dua mangne ke kya fayde hai ?

Dua me hamesha yah jikr kare ki allah hame yah ata kar na ki mujhe yeh de dua me hamesha sabhi ko shamil

kare jab koi momin kisi momin ke peeth piche dua karta hai to uski dua aisi hai jaisi arafat me haji ki dua hoti

hai aur vah qubool hi hoti hai jab tum kisi momin ke liye dua karte ho maslan allah agla ko roji ata kare to

farishte kehte hai allah ke bande tune uske liye roji mangi hai allah tujhe pehle dega bad me usko dega.

Dua kab rad (cancelled) nahi hoti hai ?

  • Farz namaz ke baad dua kabhi bhi Khali nahi jati hai
  • Azan ke waqt dua kabhi bhi Khali nahi jaati hai
  • Jumma ke din bhi har dua qubool hoti hai
  • Jumerat aur jumme ke darmiyani waqt me bhi dua qubool hoti hai
  • Namaz ke baad ki gai dua cancel nahi Hoti hai.

Un waqton ka bayan jinme dua qubool hoti hai ?

Aaiye jane dua kin-kin waqton me jayada qubool hoti hai –

  • Ramjanul-mubarak ka pura mahina.
  • Arfa ka pura din ( yani zilhijjah ki 9 vi tarikh )
  • Jumma ki raat ( yani jumerat aur jumma ki darmiyani raat )
  • Aur isi tarah jumma ka pura din bhi duaaon ki qabuliyat ka waqt hota hai
  • Imam ke khutba ke liye ( mimbar par ) baithne se lekar namaz jumma khatm hone tak ka waqt bhi dua ki qabuliyat ka waqt hota hai.
  • Isi tarah jamaat khadi hone ke waqt se lekar salam ferne tak ka waqt
  • Shabe-qadr ( jayada tar ummid ye hai ke shab-qadr mah-ramjan ke aakhri ashra ki taak raton me yani 21 , 23 , 25 , 27 , 29 vi shab me aati hai – 21 vi aur 27 vi shab ke mutalliq sabse jayada guman hota hai ) dua ki qabuliyat ka khas waqt hota hai.
  • Dua karne wala jab khada hua jumma ki namaz padh raha ho voh waqt
  • Bad olmaye kehte hai , jumma ke din ki aakhiri saa-at hai aur bad olmaye kahte hai ( jumma ke din ) subah sadiq nikalne se suraj gurub hone tak hai.

Dua mangne ka Sahi tarika kya hai ?

  1. Hazrat saiyedna imam mohammed gajjali rahmatullahe
  2. wali farmate hai majbut irade ke sath dua mange aur qabuliyat ka yakin rakhe
  3. Rojana kam se kam 20 martba dua karna wajib hai
  4. alhamdulillah namajio ka ye wajib namaz me surah fatiha se ada ho jata hai maslan aehden sheratal
  5. mustakim yani hamen Sidhi rah per chala is tarah alhamdulillah kehna bhi dua hai
  6. Rishtedaron mein ladai jhagade ho jaaye ine sab baton Ki dua hargiz na kare
  7. Kisi dua per israr na kare maslan tujhe yah dua qubool karni hi hogi
  8. Kisi Ki barbadi Ki dua hargij na Karen
  9. Allah ki rehmat me tangi na karen maslan ilahi tu sirf
  10. meri hi magfirat kar aur kisi ki nahi yeh kahna sarasar makroo hai
  11. Dua se farig hokar apne donon hath chehre per fere
  12. Allah ke nek bando auliya allah ke vasile se mangna chahie
  13. Dua mangne me aajazi aur anaksari ikhtiyar karna zaroori hai
  14. Dua me gidgidana jaruri hai
  15. Jumma ke din dua jarur Kare
  16. Qibla ki taraf rukh karke dua mange
  17. Allah Ke karam ko yad rakho ki vah rahman hai ata karne wala hai
  18. Bus yakin jano ke vah tujhe apne dar se mehroom nahi
  19. karega aur apne bando ke vadon se wafa karega.
  20. Allah ham sabki jayez hajato ki puri farmaye ameen.

Isme azam ke sath dua karne ke fayde –

Isme azam ke sath ki gayi har dua jarur qubool hoti hai chand basic isme azam jise dua me shamil kar lene se dua qubool hoti hai maslan –

  • Ya arhamar rahemeen
  • Bismillah sharif Kufriat jumla kya hai?
  • La ilaha illallah muhammadur rasoollallah
  • La ilaha illa antas subhanaka inni kutum minaz jalemeen

Dua mangne ke kya fayda hai –

  • Dua mangne se mangne Wale ka gunah allah azowazl bakhsh deta hai
  • Aur use fayda hasil hota hai
  • Uske liye aakhirat me bhalai jama ki jati hai ja banda apni
  • dua ka sawab aakhirat me dekhega jo duniya puri na hui
  • thi tab voh tamnna karega kash meri koi dua
  • qubool nahi hui hoti aur aakhirat Ke liye sawab ka bayes ban jaati.
  • Dua se pehla fayda yah hai ki allah pak ki hukm ki tamil hoti hai
  • ke uska hukm hai ke mujhse dua manga karo jaisa
  • ki quran aur hadees sharif me irshad hai
  • Dua mangna sunnat hai
  • Allah pak farmate hai mango mujhse har voh chij jiski tumhe jarurat ho
  • Jinhe dua ki toufiq milti hai voh khushnaseeb hote hai
  • Agar tum mujhse mohabbat karte ho to mujhi se mango
  • Allah beshak dene wala hai rehmaan hai raheem hai
  • Wahi hai jo ata kar sakta hai mukaddar badal sakta hai.

Dua qubool kyun nahi hoti hai ?

Wese dua ki qabuliyat me takhir hone ki kai maslihat hoti hai jo hamari samajh mein nahin aati hai farmane rasul

sallallahu tala alaihi vasllam , jab allah pak ka koi nek banda dua karta hai to allah pak jibreel alaihissalam se

farmate hain mangne do mujhe iska mangna pasand aaya thehro mujhe iski awaaz pasand aai hai isliye

hamare dua mein takhir jo jaati hai isi tarah jab koi kafir mangta hai to khuda tala farmate hai iska kam jaldi

Karo taki yah fir mera naam na le sake mujhe iski awaaz pasand nahi hai.

Jaldi machane wale Ki dua qubool nahi hoti hai –

Dua ke qubool hone ki jaldi na Kare hadees sharif me hai mi khudaye tala 3 aadmiyon ki dua qubool nahi karta maslan –

  • Ek voh jo gunah ki dua mange
  • Dusra voh jo aisi baat chahe jo katae raham ho
  • Jo kabuliyat mein jaldi machae ki maine Dua mangi lekin abhi tak qubool nahi hui
  • Najayaz kam Ki dua na mange kyunki vah qubool nahi hoti hai

Conclusion:-

Aaj humne sabse aham topic dua mangne ka tarika per baat ki jisme humne dua ke mutaliq kai sari bate sikhi jinhe janna ham

sab ke liye aham hai dua me takhir hone ka matlab aakhirat ka jakhira ,aakhir dua qubool kyon nahi hoti aur

bhi bahut kuchh Is topic me padhe aur apne ilm me izaafa karen allah pak ham sabki dua qubool farmaye aur

sath hi sabhi ko dua ki taufik ata farmae ameen.

en.wikipedia.org/wiki/Dua